• AgoraVox sur Twitter
  • RSS
  • Agoravox TV
  • Agoravox Mobile


Commentaire de Seth

sur Le latin et le grec pour sauver l'Education...


Voir l'intégralité des commentaires de cet article

Seth 18 janvier 13:01

@Decouz

Richard Coeur de Lion — Complainte du Prisonnier

Ja nus hons pris ne dira sa raison
Adroitement, se dolantement non ;
Mais par effort puet il faire chançon.
Mout ai amis, mais povre sont li don ;
Honte i avront se por ma reançon
Sui ça deus yvers pris.

Ce sevent bien mi home et mi baron
Ynglois, Normant, Poitevin et Gascon
Que je n’ai nul si povre compaignon
Que je lessaisse por avoir en prison ;
Je nou di mie por nule retraçon,
Mais encor sui [je] pris.

Or sai je bien de voir certeinnement
Que morz ne pris n’a ami ne parent,
Quant on me faut por or ne por argent.
Mout m’est de moi, mes plus m’est de ma gent,
Qu’aprés ma mort avront reprochement
Se longuement sui pris.

N’est pas mervoille se j’ai le cuer dolant,
Quant mes sires met ma terre en torment.
S’il li membrast de nostre soirement
Quo nos feïsmes andui communement,
Je sai de voir que ja trop longuement
Ne seroie ça pris.

Ce sevent bien Angevin et torain,
Cil bacheler qui or sont riche et sain
Qu’encombrez sui loing d’aus en autrui main.
Forment m’amoient, mais or ne m’aimment grain
De beles armes sont ores vuit li plain
Por tant que je suis pris.

Mes compaignons que j’amoie et que j’ain
Ces de Cahen et ces de Percherain
Di lor, chançon, qu’il ne sunt pas certain,
C’onques vers aus ne oi faus cuer ne vain ;
S’il me guerroient, il feront que vilain
Tant con je serai pris.

Contesse suer, votre pris souverain
Vos saut et gart cil a cui je me clain
Et por cui je sui pris.
Je ne di mie a cele de Chartain,
La mere Looÿs.

Répondre Signaler un abus

Voir ce commentaire dans son contexte


Derniers commentaires




Palmarès